दुगुना आय के वादा करइया मोदी सरकार ह फेर किसान मन ल ठग लीन : कांग्रेस

  रायपुर । कांग्रेस के नेता मन ह आज प्रेसवार्ता ल संबोधित करिन। एमा कृषि मंत्री रविंद्र चौबे. पूर्व कांग्रेस अध्यक्ष धनेन्द्र साहू, प्रदेश उ...

यह भी पढ़ें :-

 

रायपुर । कांग्रेस के नेता मन ह आज प्रेसवार्ता ल संबोधित करिन। एमा कृषि मंत्री रविंद्र चौबे. पूर्व कांग्रेस अध्यक्ष धनेन्द्र साहू, प्रदेश उपाध्यक्ष गिरीश देवांगन, संचार विभाग प्रमुख शैलेश त्रिवेदी, संचार विभाग सदस्य सुरेन्द्र शर्मा और प्रभारी महामंत्री चंद्रशेखर शुक्ला मौजूद रिहिन। ए दौरान कांग्रेस नेता मन ह मोदी सरकार के तरफ ले घोसना पत्र म घोषणा पत्र में करे गे वादा ल झूठा करार दीन हे। कांग्रेस नेता मन ह प्रेसवार्ता म दुगुना आय के वादा कर के मोदी सरकार के तरफ ले किसान मन ल ठगे के आरोप लगाइस हे।

प्रेसवार्ता म कांग्रेस नेता मन ह कहिन कि नरेंद्र मोदी सरकार ह न्यूनतम समर्थन मूल्य म वृद्धि करे हे, ओहा अतकी कम हाबे कि पिछले बच्छर के तुलना म घाटा म ही रही। पिछले एक बच्छर म डीज़ल के दाम म जेन वृद्धि होइस हे, ओखर सेती ले खेती करना बड़अकन महंगा हो गे हे। अभी एमा मजदूरी के बाढ़े कीमत, खाद के दाम म वृद्धि अलग ले होही। उदाहरण म धान के समर्थन मूल्य म 72 रुपया प्रति क्विंटल के वृद्धि करे हे। यदि एक एकड़ म 15 क्विंटल के औसत फसल ल मान ले त किसान मन के आय म प्रति एकड़ 1080 के बढ़ोतरी होही।

अब डीजल के दाम म पिछले एक बच्छर म होइस बढ़ोत्तरी ल देख ले त सिरिफ डीजल के खर्च एक बच्छर म 1200 रुपया बाढ़ गे हे।  एखर मतलब हे कि केंद्र के सरकार ह जतना पैसा देवत हे, ओखर ले ऊपर त डीजल के माध्यम ले वसूल करत हे। किसान मन ह सिर्फ डीजल के खर्च म 120 रुपया नुकसान म हे। एमा अभी खाद अउ कीटनाशक दवा के कीमत म होइस वृद्धि के खर्च सामिल नई हे।