सीएम भूपेश बघेल ह बलौदाबाजार म 500 बिस्तर के कोविड केयर हास्पिटल के करिन वर्चुअल सुभारंभ, पढ़व

  रायपुर । सीएम भूपेश बघेल ह आज अपन निवास कार्यालय म आयोजित रायपुर अउ दुर्ग संभाग के समीक्षा बइठक के पहले बलौदाबाजार जिला म कृषि उपज मंडी के...

यह भी पढ़ें :-

 

रायपुर । सीएम भूपेश बघेल ह आज अपन निवास कार्यालय म आयोजित रायपुर अउ दुर्ग संभाग के समीक्षा बइठक के पहले बलौदाबाजार जिला म कृषि उपज मंडी के गोदाम म बनाए गे 500 बिस्तर के कोविड केयर अस्पताल के वीडियो कांफ्रेसिंग ले सुभारंभ करिन।

ए अवसर म सीएम भूपेश बघेल ह ए अस्पताल के निर्माल ल रिकार्ड 20 दिन म करे म जिला वासी मन ल बधाई दीन हे। वो हा कहिन कि जिला म कोरोना ले संक्रमित मरीज ल एखर ले बड़का राहत मिलही।

सीएम भूपेश बघेल ह आम मनखे मन ल कोरोना के गाईडलाइन के कड़ाई ले पालन करे के अपील करिन। ए दौरान सबो जनप्रतिनिधि मन घलो आनलाइन माध्यम ले कार्यक्रम म उपस्थित रिहिन।

कलेक्टर सुनील कुमार जैन ह बताईस कि ये राज्य के पहिला अईसे हास्पिटल हे, जेमा धान मंडी ल हास्पिटल म बदले गे हे। 500 बिस्तर हास्पिटल म 120 बिस्तर ह आक्सीजन ले युक्त हे। हास्पिटल म सबो सुविधा के बिसेस खियाल रखे गे हे। जेखर ले मरीज ल घर के तहत अनुभव होही। ए मऊका म स्वास्थ्य मंत्री टीएस सिंहदेव, सांसद सुनील सोनी, राज्यसभा सांसद श्रीमती छाया वर्मा, विधायक शिवरतन शर्मा, मुख्य सचिव अमिताभ जैन, अपर मुख्य सचिव सुब्रत साहू, सचिव सिद्धार्थ कोमल परदेशी घलो उपस्थित रिहिन।